Tresna pertsonalak
Hemen zaude: Hasiera → Ipuinak → Automobilek Loditzen dute
Dokumentu Akzioak

Automobilek Loditzen dute

Txirrindulariek eta irristalariek ere dute kalean ibiltzeko eskubidea.

KONTROLA: MIKELEN MUSIKA SARTZEN DA<br /> MIKEL: Dena hasi zen ibilgailurik gabeko eguna zela eta egin nuen zeregin bategatik...<br /> DANI: Beribilak gasolina behar du. <br /> MIKEL: Bizikletak, berriz, ez.<br /> DANI: Beribilak zarata ateratzen du.<br /> MIKEL: Bizikletak, berriz, ez.<br /> DANI: Beribilak loditzen du...<br /> MIKEL: Aizu, beribilak jaten al dira ala?<br /> DANI: Ez, ez dira jaten... baina beribilean joaten garenean, ez gara mugitzen eta hori dela eta, loditzen gara. Idatzi hori...<br /> KONTROLA: MIKELEN MUSIKAK DIRAU<br /> MIKEL: Idatzi nuen, eta oso erabaki garrantzitsua hartu nuen: harrezkero bizikleta besterik ez nuen erabiliko. Litekeena zen nire soberako kiloek beribilekin zerikusia izatea.<br /> KONTROLA: AZELERATZEN DUEN BERIBILAREN HOTSA<br /> AMA: Goazen, Mikel, igo zaitez...berandu da...<br /> MIKEL: Zuek beribilez joan zaitezte... ni bizikletaz joango naiz.<br /> AMA: Ziur al zaude, Mikel?...<br /> MIKEL: Bai, ama...<br /> KONTROLA: MIKELEN MUSIKAK DIRAU<br /> MIKEL: Nire gurasoak harrituta geratu ziren. Beti esaten zidaten kirol egin behar nuela eta nik ez nien kasurik egiten...<br /> AITA: Eup, txapeldun!... Frantziako Tourrerako prest? <br /> MIKEL: Nire lagunak ere harrituta zeuden, eta arriskutsua iruditzen zitzaien...<br /> KONTROLA: HIRIKO ZIRKULAZIOA<br /> 1. AHOTSA: (OIHUKA) Aizu! Mugi zaitez... Harrapa zaitzadan nahi duzu ala? <br /> 2. AHOTSA: Bide gorria igandeetan erabiltzeko da, kontuz ibil zaitez!<br /> KONTROLA: SUSPENTSE MUSIKA IGOTZEN DA<br /> MIKEL: Bigarren astean ez nituen aintzat hartu gidarien hutsegiteak. Gidari batzuek oihu egiten zidaten, beste batzuek txilibitua jotzen zuten, eta oso gutxik errespetatzen ninduen. <br /> 1. AHOTSA: Aizu, joan zaitez arinago!...<br /> MIKEL: Arratsalde batean, eskolatik nentorrela, kamioi bat nire gainetik pasatzen sentitu nuen. <br /> KONTROLA: KAMIOI BATEN KLAXONA <br /> 3. AHOTSA: Aizu... astakirten hori!... kontuz ibili!...<br /> KONTROLA: MIKELEN MUSIKA SARTZEN DA<br /> MIKEL: Ozta-ozta atera nintzen bizirik. Baina hori izan zen txirrindulari gisa ibili nintzen azken eguna: hobe lodi hilda baino.<br /> AMA: Asko sentitzen dut gertatutakoa... egoera desberdina izango litzateke egunero erabiltzeko bide gorria egongo balitz. <br /> MIKEL: Eta, lor daiteke?<br /> AMA: Jakina... beste herri batzuetan hala egiten dute eta oso ondo dabil.<br /> MIKEL: Eta norekin hitz egin beharko nuke hemen egin dadin? <br /> AMA: Alkatearekin edo? KONTROLA: MIKELEN MUSIKA SARTZEN DA<br /> MIKEL: Gau hartan gutun bat idatzi nion alkateari. Kaleak ez du beribilentzako besterik izan behar. Txirrindulariok eta irristalariok ere badugu kalea erabiltzeko eskubidea. <br />
Nabigazioa
Bilaketa




Laguntzailea: Eusko Jaurlaritza, Kultura Saila
Kultura Sailak (Hizkuntza Politikarako Sailburuordetza) diruz lagundutakoa
 
Plone CMS-arekin dabil webgune hau, kode irekiko eduki kudeaketa sistema

Gune hau hurrengo estandarretara egokitzen da: