Ipuinaren ostean, dator topaketa

Mexikon, abuztuaren 15ean, Auzokidearen Eguna ospatzen da. Besteak beste, auzoko pertsonen arteko apatia murriztea, konfi antza mailak handitzea eta loturak sortzea da bilatzen dena. Rosarion (Argentina), urriko lehenengo asteazkenean, Jolasaren eta Elkarbizitzaren Eguna ospatzen da. Antzeko zerbait gertatzen da Vitoria-Gasteizen, ekaineko azken astean.

Ekimen horien bitartez, hurkoari beldurra izaten, atea ez zabaltzen eta inorekin ez hitz egiten irakasten duen kultura aldatu nahi da. Konfi antza falta horren ondorioetako bat da ume asko giltzaperatuta egoten direla euren etxeetan, eta, ondorioz, etxeak babesleku izatetik arriskuen gune izatera pasatu daitezke.

Bake eta elkarbizitzaren kultura hori eraikitzeko, hauxe iradokitzen dizugu:

• Gehienez ere, hurrengo hilabetean, auzokideen eguna (edo beste izen batekin) antolatu.
• Ezagutzen ez dituzun auzokideen familia biren izenak aurkitu behar dituzu, ahal dela, zure etxetik hurbil bizi direnak.
• Diseinatu gonbit txartel polit bat eta banatu ezazu pertsonalki.
• Prestatu itzazu ogitarteko batzuk, mendiko txango batean konpartitzeko.

Ea loturak sortzeko eta “auzokide” hitza esanahiz betetzeko aukera duzun! Izan ere, hitz horrek hurbilekoa, gertukoa, bertokoa esan nahi du. Tarte goxo bat pasatuko dute. Baina, gainera, telefono agendan auzokide batzuen izen eta zenbakiak ere geratuko zaizkizu, eta, horrela, euren seme-alabek larrialdiren bat badute, laguntza eman ahal izango diezu.

Argi dago bakarrik eta giltzapetuta bizi gaitezkeela, baina hobe da denak batera eta ateak irekita bizitzea.